As liñas prioritarias de actuación do FEAE

Promover a reflexión e creación de significados compartidos sobre a educación do século XXI. ▪ Establecer intercambios bilaterais e multilaterais a nivel autonómico, estatal e europeo ▪ Crear relacións e lazos persoais entre os seus membros ▪ Compartir e incrementar novos coñecementos profesionais

Cales son as actividades que realizamos?

Ceas–coloquio e Work-café: Nunha ou máis ocasións ao longo do curso escolar reunímonos arredor de temas de actualidade para debater as propostas que sobre o mesmo nos presentan relatores de prestixio.

Quen formamos o FEAE?

Profesionais da educación de cada país: profesorado, membros da inspección educativa, membros de equipos directivos, asesores e asesoras,…etc

Que vantaxes ten ser socio?

• Participar en todos os encontros e foros para a reflexión educativa que o FEAE organiza en Galicia. • Coñecer de antemán as propostas e novidades que se dan no sistema educativo galego, do estado e europeo. • Responder ás demandas de asesoramento sobre cuestións educativas que diversas Administracións realizan ao FEAE europeo. • Recibir no domicilio a revista “OGE” e o acceso á mesma a través da páxina web (www.feae.eu). • Elaborar artigos para ser publicados nesta revista.

mércores, 7 de decembro de 2022

Inclusión, innovación e acción social en FP

 O próximo 15 de decembro as 18:30, agardámosvos na Facultade de Ciencias da Educación da UDC, no Campus de Elviña para un novo Café Coloquio de FEAE. 

Equipos educativos e directivos do CEE Nosa Señora de Lourdes, IES Montecelo e CIFP Someso, compartirán tres experiencias que dan mostra do bó e innovador que se está a facer na FP en Galicia ao carón dun café ben quentiño.

Para apontarse, só se precisa  enviar un mail a feaegalicia@gmail.com



luns, 24 de outubro de 2022

Ramón Flecha: Criterios para diferenciar os bulos das evidencias científicas que melloran os resultados educativos

Ramón Flecha, referente mundial na educación basada en evidencias de impacto social, impartíu a conferencia que pon título a este post no marco da  Cidade da Cultura o domingo 23 de outubro do 2022 nas XXIX Jornadas Estatales de FEAE. 

Neste link, tedes acceso á presentación.




Sostenibildade no camiño: Entendemento, tolerancia e solidaridade no Camiño de Santiago

 Pilar Taboada de Zúñiga participou no peche das XXIX Jornadas Estatales de FEAE coa ponencia "La sostenibilidad como herramienta pedagógica en el aula de ELE: entendimiento, tolerancia y solidaridad en el Camino de Santiago".

Na súa intervención puxo en valor a función do Camiño de Santiago como eixo globalizador de distintas culturas así como de transmisión de valores como a  sostibilidade, a tolerancia e a solidaridade, poñendo énfase no labor dos Cursos  Internacionais da USC no ensino de línguas, formación do profesorado e cursos sobre o Camiño. 

Preme na imaxe para acceder á intervención.







Federico Mayor Zaragoza no 40 aniversario de FEAE: "La humanidad, ojos del Universo"

 Federico Mayor Zaragoza, clausurou as XXIX Jornadas Estatales de FEAE invitándonos a unha lectura reflexiva do documento "La humanidad, ojos del Universo" que sirveu como un magnífico peche de celebración dos 40 anos de FEAE. 

Esperanza, compromiso co planeta Terra, educación, alzamento da "Voz dos pobos"... un manifiesto que debería ser folla de ruta para todos e todas os que nos preocupamos pola educación. 



domingo, 23 de outubro de 2022

40 anos de FEAE

 Juan Salamé, exdirector da FEAE Nacional, resumio nesta presentación os 40 anos de andadura do Forum Europeo de Administradores da Educación. Unha honra para FEAE Galicia, poder dar cobertura a un evento con tanta carga simbólica na nosa organización. Pedro Navareño,  Codirector da Cátedra Escalar para a Innovación Educativa da Universidade de Málaga e un histórico de FEAE Extremadura. 





sábado, 22 de outubro de 2022

Facendo rede

 Máis de 15 comunicacións de universidades e escolas de América do Sur e México, con outras 16 do ámbito educativo español, conformaron un espazo de intercambio de experiencias  moi enriquecedor no marco das XXI Jornadas Estatales de FEAE. 

Os traballos presentados estaban divididos en catro bloques: Sostibilidade, Xusticia Social, Educación para todos e todas e Formación Profesional e serán publicados nun monográfico sobre as xornadas na revista Dyle.






Aprender en entornos non formais

 Marcos Pérez Maldonado, coordinador dos Museos Científicos Coruñeses, deleitounos cunha charla interactiva na que disfrutamos e aprendemos de ciencia, espazos de aprendizaxe non formais e da historia e bon facer dos Museos Científicos Coruñeses.





Espazo de debate: Novos retos sociais, novos retos educativos:ODS e Axenda 2030

 O sábado 22 de outubro D.  Moisés Canle López (Catedrático de Química Física en la UDC e director da Cátedra Emalcsa – UDC), D. Pablo César Muñoz Carril (Profesor Titular da USC e director do Grupo de Investigación Educativa Mestura), D.  Miguel Anxo Santos Rego (Catedrático de Teoría e Historia da Educación da USC. e director del Grupo de Investigación ESCULCA) e Dª. Amparo Casares Gallego (Doctora en Arquitectura. Vicerrectora de Infraestructuras e Sustentabilidad da UDC) debatiron sobre os novos retos educativos e sociais que supón a apliación da Axenda 2030. O debate foi coordinado por Dª Azuzena Gozalo Ausín, vicepresidenta de FEAE.



Portugal Innovação Social

Filipe Almeida, presidente de Portugal Innovação Social, participou o sábado 22 de outubro nas XXIX Jornadas Estatales de FEAE, amosando o bo facer do noso país veciño no eido da Innovación Social na Educación. 

Tedes acceso ao seu relatorio nesta ligazón. 



venres, 21 de outubro de 2022

Novo Currículo e Axenda 2030: Unha Fusión imprescindible

 Francisco Luna,  exdirector do Instituto Vasco de Evaluación e Investigación Educativa  e  membro da comisión de expertos encargada da nova arquitectura curricular da LOMLOE compartíu no salón de actos da Domus na Coruña unha interesante palestra sobre as vinculacións do Currículo coa Axenda 2030.

Podedes vela aquí. 




xoves, 20 de outubro de 2022

Madurez dixital e transformación educativa: Aprender xuntos durante o Camiño.

Dª Mercedes González Sanmamed, Catedrática de Didáctica e Organización Escolar da UDC e Directora do Grupo de Investigación EIRA, inaugurou ás XXIX Jornadas Estatales de FEAE no paraninfo da UDC coa conferencia que pon título a este post e que podedes ver no vídeo da inauguración.



martes, 12 de xullo de 2022

XIXX Xornadas estatais FEAE-Galicia 2022 APRENDENDO NO CAMIÑO

Desde o Fórum Europeo de Administradores da Educación entendemos que a educación é un dereito humano fundamental e a base para garantir a realización dos outros dereitos. 

A aprobación da Axenda 2030 no 2015 e, concretamente o Obxectivo de Desenvolvemento Sostible ODS 4 aprémanos a “Garantir unha educación inclusiva, equitativa e de calidade e promover oportunidades de aprendizaxe durante toda a vida para todos” e as súas metas correspondentes. 

As institucións educativas non poden quedar atrás #ante este reto e o sistema educativo debe facer unha contribución activa á sociedade, no sentido dun desenvolvemento sostible, que ao mesmo tempo se esforce pola viabilidade ecolóxica e a xustiza social. Con este obxectivo, as XXIX Xornadas Estatais de FEAE poñen o seu foco nunha educación inclusiva e equitativa de calidade e na aprendizaxe ao longo da vida para todos e todas. 

Baixo o epígrafe “Aprendendo non Camiño: Sostenibilidade e Formación non século XXI”, queremos reflexionar e debater sobre os Obxectivos de Desenvolvemento Sostible (ODS) e a súa importancia na educación, sobre a enseñanza e formación chécnica e profesional de calidade e compartir experiencias e propostas sobre esta temática que se levaron a cabo en espazos educativos de todo o estado español. As xornadas están dirixidas a persoas interesadas na educación (profesorado de todos os niveis, axentes educativos, estudantes, persoas vinculadas a entidades e ONGD, etc.) están certificadas pola Universidade da Coruña e está a se tramitar a súa homologación como acción formativa pola Consellería de Cultura, Educación, Formación Profesional e Universidades. Ademais, as comunicacións aceptadas publicaranse nun número especial da revista Dyle e seleccionaranse algunhas delas para a revista Eduga. 

Animámosvos a participar e a compartir as vosas experiencias e comunicacións.

https://29jornada-feae.com/



mércores, 25 de maio de 2022

"E agora que? Novos retos sociais, novos retos educativos" Cea Coloquio con Nélida Zaitegui

 "Si educar é preparar para unha vida digna de ser vivida, ou unha boa vida, temos que preguntarnos a que retos ten que enfrentarse esta xeración e que precisa para facelo con éxito".

O venres 17 de xuño teremos a oportunidade de despedir este duro curso compartindo con Nélida Zaitegui, reflexións sobre os novos retos educativos que xorden dos novos retos sociais. 

As prazas son limitadas polo que vos animamos a apuntarvos desde o formulario https://forms.gle/HhVNzQpKwwjkU9Z96  antes do 14 de xuño.



venres, 20 de maio de 2022

Resolución dos II Premios FEAE de Innovación Educativa 21-22

 


O  xurado da convocatoria dos II Premios FEAE Galicia de Innovación Educativa,  tras valorar as excelentes  propostas enviadas, decidiu otorgar os seguintes premios:

MODALIDADE A:  Para proxectos de centros educativos de Educación Infantil (0-6), CRA, Primaria, Secundaria, Formación Profesional e Centros de Educación Especial. 


"Paseolidarios"proxecto presentado polo CIFP Paseo das Pontes en A Coruña.


MODALIDADE B:  Para proxectos de  equipos de profesorado de centros educativos de Educación Infantil (0-6), CRA, Primaria, Secundaria, Formación Profesional e Centros de Educación Especial. 



InvestigArte proxecto coordinado por Sonia Figueiredo Araujo do CEIP Nazaret de Cangas (Pontevedra).



O acto de entrega dos Premios terá lugar o mércores 8 de xuño do 2022 no Salón de Plenos do Concello da Coruña as 18.00 horas

mércores, 2 de marzo de 2022

Café coloquio "Claves para facer realidade a atención á diversidade"

 O xoves 24 de febreiro disfrutamos do Café Coloquio Trimestral de FEAE Galicia na compañía de orientadoras de distintos centros educativos da Coruña, estudiantes de máster do profesorado e socios e socias de FEAEGA. 

Rafael Rodríguez Martín, vicepresidente de FEAEGA e presidente da Asociación Provincial de Equipos Directivos de Infantil e Primaria, fixo un resumen claro e conciso da nova ley de Atención á Diversidade orientado ao día día do labor dos equipos de orientación e direcións de centros. Compartimos á sua presentación desde esta ligazón

A continuación, Mónica Diz Besada, orientadora do IES Sardiñeira e autora do blog Mónica Diz Orienta, reflexionou sobre 9 claves para levar á atención á diversidade a tódalas dimensións educativas, aportando un conxunto de ideas para cada unha das claves. 

Mónica puxo especial énfasis no Deseño Universal da Aprendizaxe (DUA), unha ferramenta imprescindible para achegarse á escola inclusiva.

Neste sentido, desde FEAEGA queremos seguir profundizando no DUA en próximos coloquios e obradoiros. 








luns, 28 de febreiro de 2022

Número 12 Revista Dyle

 Xa se publicou o número 12 da revista Dyle. 

O monográfico deste número "Aprender a impulsos de likes"  integra unha entrevista , a través de videoconferencia, con alumnado dos primeiros anos de Maxisterio e Xeografía e Historia para coñecer  a relación dos xóvenes cos dispositivos dixitais e  reflectir sobre ela. Tamén se analiza o papel dos videoxogos e os infuencers en educación, a educación presencial e on line e outros temas relacionados.

Ademáis trátanse outros temas como a meritocracia, a educación en Brasil ou o papel da escola ante catástrofes naturais como a do volcán de la Palma. 

No apartado de ferramentas, publícase o último dossier con recursos prácticos para desenvolver e implementar o  liderazgo desde as direccións dos centros. Os próximos dossieres estarán dedicados ao Liderazgo Pedagóxico do profesorado e do alumnado. 

O acceso á revista é gratuita para os socios e dispoñedes de números abertos a todo o público. 





xoves, 20 de xaneiro de 2022

Premios FEAE Galicia 21-22

 Ampliado o prazo de presentación de traballos á Convocatoria para proxectos innovadores na educación galega até o 6 de maio.

Forum Europeo de Administradores da Educación (Galicia)




Os Premios FORUM EUROPEO GALICIA 2021-2022 buscan identificar recoñecer e promover a centros educativos e a grupos de docentes comprometidos e comprometidas coa innovación educativa, a través do desenvolvemento de iniciativas didácticas que axuden a construír unha rede de propostas educativas que inspiren transformación e innovación e que sexan facilmente transferibles a outras contornas educativas. 


Os traballos deben responder a unha necesidade de mellora educativa concreta e animar a outros colectivos desenvolvendo a potencialidade do traballo en equipo colaborativo. 

Os Premios destacan as iniciativas que se consideran máis creativas e efectivas para atopar solucións aos desafíos educativos en calquera nivel educativo e en todas as contornas. 


Destacarán proxectos de revitalización de centros educativos dirixidos a desenvolver a innovación educativa en ámbitos curriculares, tecnolóxicos, metodolóxicos, didácticos e organizativos dos diferentes niveis e etapas do sistema educativo.


Sobre o premio


Os proxectos seleccionados son modelos de excelencia que serven como inspiración para que outros melloren a educación a través da innovación e a acción creativa. Cada un dos proxectos gañadores dos premios FORUM EUROPEO GALICIA 2021-2022 será presentado publicamente e beneficiarase do maior interese público a través da exposición de medios e outras canles, ademais, a revista do FORUM EUROPEO NACIONAL (DYLE) fará eco dos proxectos premiados que serán adaptados ás normas de publicación da revista polos autores e autoras dos proxectos seleccionados. 


Xurado e resolución dos premios 


O xurado estará composto por membros de recoñecido prestixio e implicación dentro do ámbito educativo entre os que se atoparán membros do propio Forum Europeo de Galicia, CSIC Galicia, Universidades Galegas e da Consellería de Educación.

O fallo inapelable do xurado será o 20 de maio e comunicarase directamente aos interesados.

Publicarase con antelación unha lista de finalistas no blogue de FEAE GALICIA http://www.feaegalicia.com/, así como, posteriormente a resolución definitiva dos Premios. 

Forum Europeo da Educación de Galicia (FEAE-Galicia) resérvase o dereito de publicación dos proxectos finalistas no blogue, sen fins lucrativos, podendo utilizalos en accións encamiñadas á mellora da educación. 


Modalidades 


Propóñense dúas modalidades ás que poder presentarse: 


Modalidade A: para proxectos de centros educativos de Educación Infantil (0-6), CRA, Primaria, Secundaria e Formación Profesional.


Modalidade B: para proxectos de equipos de profesorado de centros educativos de Educación Infantil, Primaria Secundaria e Formación Profesional.


1. Os proxectos serán presentados por centros educativos e/ou por equipos de profesorado de centros educativos de Galicia nas modalidades A e/ou B, non podendo presentarse en máis dunha modalidade co mesmo proxecto. 


2. Os proxectos das modalidades A e B terán que realizarse no ámbito da Comunidade Autónoma de Galicia.


3. Deben presentarse en lingua galega ou lingua castelá, indistintamente.


Criterios de selección 


Os Premios FORUM EUROPEO GALICIA 2021-2022 recoñecen proxectos educativos innovadores. Búscanse iniciativas educativas continuas, innovadoras e impactantes que: 

• Supoñan a revitalización dun centro educativo. 

• Que contemplen indicadores para desenvolver unha educación inclusiva e de equidade.

• Que desenvolvan a convivencia participativa e positiva en calquera etapa educativa. 

• Que fosen efectivamente implementados na aula. 

• Que sexan economicamente sostibles. 

• Que presenten obxectivos claros na planificación e desenvolvemento do proxecto. 

• Que sexan replicables e transferibles a outros contextos educativos. 

• Que dispoñan dun claro compoñente innovador.

• Que desenvolvan enfoques didácticos e/ ou organizativos que busquen dar resposta ás necesidades do seu alumnado. Necesidades que varían en función do seu contexto sociocultural, pero tamén en función dous cambios que, a nivel global, estanse a experimentar na sociedade. 


 Criterios de valoración


 O Xurado terá en conta os seguintes criterios de valoración que non son excluíntes : 

• Coherencia interna do proxecto (atendendo á concreción de obxectivos, a súa xustificación, o desenvolvemento das tarefas, unha exposición clara de resultados e propostas de mellora). 

• Contido innovador e importancia do traballo en equipo e colaborativo (destacando o desenvolvemento do pensamento creativo, crítico a autonomía do alumnado e a súa participación activa no proxecto).

• Ter  sido implementado 

• A multidisciplinaridade

 • Posibilidade de transferencia do proxecto a outras contornas educativas.

• Directrices de igualdade e equidade educativas na planificación do proxecto.


Solicitude e Prazos de Presentación


O formulario de inscrición aos Premios FORUM EUROPEO GALICIA 2021-2022 é https://forms.gle/kswzVrStqNFfLv996



O formulario de inscrición permitirá enviar todos os datos de contacto necesarios para o rexistro do proxecto así como os arquivos coa documentación necesaria para a valoración do proxecto. 


Para calquera dúbida en relación á inscrición do proxecto poden poñerse en contacto coa organización na dirección de correo feaegalicia@gmail.com


Os traballos recibiranse desde o 28 de xaneiro  de 2022 ata o 29 de abril de 2022.


Formato de Presentación: 

1.- Síntese do proxecto en formato pdf (letra Arial 12, interlineado sinxelo). 

2.- Material audiovisual (fotos, vídeos, webs), que non excedan de 10 MG. Preferiblemente enviaranse como  ligazóns, até un máximo de 5 arquivos e/ou 5 ligazóns.

 3.-Memoria explicativa do traballo coas seguintes características: en formato pdf, letra Arial 12, interlineado sinxelo e un máximo de 15 páxinas, débense incluír as imaxes e as referencias aos posibles vídeos. 

Esta Memoria debe conter os seguintes puntos: 

• Título (pódese usar un subtítulo). 

• Resumo, con palabras chave (breve exposición do proxecto nun máximo 50 palabras). 

• Xustificación. 

• Obxectivos. 

• Desenvolvemento do proxecto (metodoloxía, accións, participantes, cronograma,…). 

• Resultados. 

• Avaliación, impacto e conclusión de melloras concretas obtidas. 

• Certificación dá autorización do uso das imaxes dos menores. 

4- Licenciar o traballo baixo a licenza Creative Commons. 


• BY: Recoñecemento (Attribution): o material creado por un autor pode ser distribuído e exhibido se a autoría  se mostra nos créditos.

 • NC: Comercial (Non Commercial): o material creado por un autor pode ser distribuído, copiado e exhibido mentres o seu uso non sexa comercial. 

• SA: compartir Igual (Share Alike): o material creado por un autor pode ser modificado e distribuído pero baixo a mesma licencia que o material orixinal. 


Premios


Modalidade A


• Lote de libros para a Biblioteca do centro. 

• Curso de Formación gratuíto para o claustro do centro sobre unha temática relacionada coa innovación educativa.

• 300 € en metálico. 

• Publicación do Proxecto premiado con ISBN ou ISSN.


 Modalidade B


• 300 € en metálico.

• Publicación do Proxecto premiado con ISBN ou ISSN. 


Organización


 Forum Europeo de Administradores da Educación (Galicia) 

  Contacta en : feaegalicia@gmail.com.

• Forum Europeo de Administradores da Educación edita a revista DyLE (Dirección y Liderazgo Escolar).