As liñas prioritarias de actuación do FEAE

Promover a reflexión e creación de significados compartidos sobre a educación do século XXI. ▪ Establecer intercambios bilaterais e multilaterais a nivel autonómico, estatal e europeo ▪ Crear relacións e lazos persoais entre os seus membros ▪ Compartir e incrementar novos coñecementos profesionais

Cales son as actividades que realizamos?

Ceas–coloquio e Work-café: Nunha ou máis ocasións ao longo do curso escolar reunímonos arredor de temas de actualidade para debater as propostas que sobre o mesmo nos presentan relatores de prestixio.

Quen formamos o FEAE?

Profesionais da educación de cada país: profesorado, membros da inspección educativa, membros de equipos directivos, asesores e asesoras,…etc

Que vantaxes ten ser socio?

• Participar en todos os encontros e foros para a reflexión educativa que o FEAE organiza en Galicia. • Coñecer de antemán as propostas e novidades que se dan no sistema educativo galego, do estado e europeo. • Responder ás demandas de asesoramento sobre cuestións educativas que diversas Administracións realizan ao FEAE europeo. • Recibir no domicilio a revista “OGE” e o acceso á mesma a través da páxina web (www.feae.eu). • Elaborar artigos para ser publicados nesta revista.

sábado, 25 de xaneiro de 2020

ACTIVIDADES SEGUNDO TRIMESTRE


Apreciados amigos e amigas

Co  segundo trimestre do curso xa en marcha informamos das actividades previstas para socios e simpatizantes de FEAE Galicia, para que as anotedes nas vosas completísimas axendas e vos animedes a participar nelas.

 O próximo work-café terá lugar o 14 de febreiro, venres, en horario de 7 a 9, na facultade de ciencias da educación de A Coruña. A dinamizadora será Ana Torres Jack, orientadora educativa, con gran experiencia en formación e autora de numerosas publicacións que abordará o tema da educación en valores. A raíz do  engañoso debate sobre o chamado "pin parental" creemos que en FEAE debemos salientar a importancia da escola como lugar de convivencia, respeto e democracia, onde toda a comunidade educativa colabora na formación integral do alumnado.  Será unha boa ocasión para reflexionar entre todos e aportar as nosas experiencias e propostas. Contamos coa vosa asistencia.

Máis tarde mandaremos o cartel para que o podades difundir entre compañeiros e amizades.

 A pasada semana publicouse o número 4 da nosa revista "dyle", con artigos de moito interés. Algúns dos artigos son de compañeiros galegos ou fan referencia a experiencias en Galicia. Esperamos que todos teñades acceso a ela. Se alguén esqueceu a súa contrasinal dende a portada da revista podedes solicitar unha nova facilitando o voso correo.

 Na fin de semana do 24 e 25 de abril celebraremos o segundo encontro transcantábrico dos foros do norte que  será en Gijón, nas fabulosas instalacións da Universidade Laboral. Ainda que queda tempo sería interesante coñecer as persoas interesadas en asistir, especialmente polo tema de reserva de aloxamento e o transporte.

O primeiro encontro en Cantabria resultó moi positivo así que esperamos que vos animedes a asistir a este segundo encontro e que a representación de Galicia sexa como sempre numerosa e de calidade. Respondede a este mesmo correo para confirmar a vosa asistencia.

 Aproveitamos para lembrar que na primeira semana de febreiro pasaremos o cobro dos recibos da cuota de FEAE. Estade pendentes para evitar que haxa devolucións, que sempre resultan un gasto inútil.

Un cordial saúdo
 
Juanjo Félez - Presidente FEAE Galicia

sábado, 18 de xaneiro de 2020

Número 4 de la revista "dyle", Dirección y Liderazgo educativo